නැවත නැවත ගැටලුවක් වන ඉස්ලාමයේ කාන්තා නිදහස [ කිඩෝ සහෝදරයාගේ චෝදනාවට පිළිතුරක්]

Posted by සහෝදර එකමුතුව on Monday, June 20, 2011 | 1 comments


අසිමීත දයාව හා අසමසම අනුකම්පාවෙන් යුතු අල්ලාහ් ගේ නාමයෙන් ආරම්භ කරමු.

කිඩෝ සහෝදරයා යම් විඩීයොවක් පාදක කරගෙන චෝදනාවක් ඉදිරිපත් කරලා තිබ්බා. එකට පිලිතුර  කොමෙන්ටුවක් වශයෙන් ඉදිපත් කරන්නට සිතුවද, පිළිතුර ටිකක් දිග වැඩි නිසාත් මෙලෙස වෙනම ලිපියක් ලෙස පළ කිරීමෙන් කියවන්නට පහසු නිසාත් මෙලෙස වෙනම් ලිපියක් ලෙස ලියන්නෙමි. කිඩෝ සහෝදරයාගේ ගැටලුව දක්වමින් එයට පහලින් මගේ පිළිතුර දක්වලා තියෙනවා.

කිඩෝ said...

සහෝදරයා අපේ දහමේ කියලා තියෙන විදිහට අපි අපේ කාන්තාවන්ට හුඟක් ගරු කරනවා.

ඔව් හරි බන් ඒත් හැමෝම එහෙමද? මම කියන්නේ සහෝදරයා "ඉස්ලාමය හරිහැටි අවබෝධකරගන්න" කියලා කිව්වට එහෙම අවාසනාවකට වගේ එහෙම ඉස්ලාමය හරිහැටි අවබෝධකරගන්න බැරි වුන කට්ටියකුත් ඉන්නවා නේද? ඒක හැම ආගමකටම පොදුයි නේද බන්...

ඒත් පොඩ්ඩක් මේකත් ඩවුන්ලෝඩ් කරන් බලන්න මට ආපු ඊයක තිබුනේ...

Don't open, if you are sensitive or have a weak stomach


Know your enemy!

The young girl in this video was sentenced to death by an Islamic Court
because she did not want to marry an old man the family arranged for
her. This is not Al Qaeda or the Taliban, but muslims following SHARIA
LAW!

No comment from the National Organization of Women or from the ACLU. 

http://www.mediafire.com/download.php?adyk8a8b6y2qj0v

හරි ගෙදරින් ප්‍රපෝස් කරපු කෙනෙක්ට කාන්තාවක් අකමැති වුනයි කියලා ගෙදර අයට තරහා යන එක සාදාරන ඈති (ඒ වගේ දෙවල් කොහොමත් වෙනවා) ඒත් මෙහෙම කරන එක සාදාරනද කියලා හිතලා බලන්න...

මේ වටේ පිටේ සෙනගක් ඉන්න තැනක මෙහෙම දෙයක් කරද්දි කිසිම මැදිහත් වීමකින් තොරව ඒක වීඩියෝ කරන්නෙ සහෝදරයා කලින් අපේ කාන්තාවන්ට හුඟක් ගරු කරනවා කිව්ව අයම නේද... සහෝදරයා "ගැහැනිය කියන්නෙ පිරිමයාගෙ අවශ්‍යතාව අනුව තෝර ගන්න තියන ප්‍රදර්ශන භාණ්ඩයක් නෙවෙයි ඒ අයටත් තම්න් කැ,මති දේ කරන්න වගේම කැමති පිරිමියෙක් තෝර ගන්නත් අයිතිය තියෙයි" කියලා බුවා සහෝදරයා කියලා තියනවා නේද ඉතින් මෙතනදි වෙන්නෙ මොකක්ද කාන්තාවට ඔච්චර ගරු කරනවනං ප්‍රසිද්ධියේ මෙහෙම දේවල් කිරීමත් ඒ ගරු කිරීමෙම කොටසක් ද? 

මටත් ඔය ආගම් ගැන කිසිම ප්‍රශ්නයක් නෑ... ඉතින් මටත් සහෝදරයට කියන්න තියෙන්නේ අපක්ෂපාතීව හිතන්න...සත්‍ය වටහාගන්න.. කියලා සහෝදරයා කියපු ටිකම තමා....

ඔබේ ප්‍රතිචාරයට ස්තූතියි. සහෝදරයා ඔබ කිවූ පරිදි ඉස්ලාමය හරි හැටි අවබෝධකර නොගත් මුස්ලිම්වරුන් පිරිසකුත් ඉන්නවා.මමත් ඒක අනුමත කරනවා. හැම ආගමකම ඒක පොදු බවත් මං මෙහෙදී කියන්න ඕන. දැන් මගේ ගැටලුව වුනේ එහෙම අවබෝධගරගත් සමහරුන් විසින් කරනු ලබන ක්‍රියා වලට ඉස්ලාම් දහමත්, සමස්ත මුස්ලිම්වරුනුත් වගකියන්න ඕනද යන්නයි...කිසිසේත්ම නැත. ඉස්ලාමය හරිහැටි අවබෝධකර නොගත් මුස්ලිම්වරුන්ටත් , මුස්ලිම් නොවන සහෝදරයන්ටත් මං කියන්නේ ඉස්ලාමය හරි හැටි අවබෝධර කර ගන්නා ලෙසයි.

සහෝදරයා නැවතත් ඔබ කිසිම පදනමක් නැතිව කවුරුන් හෝ  ලියපු ලියුමක් හා එවූ විඩියෝවක් පාදක කරගෙන චෝදනාවක් ඉදිරිපත් කරනවා. මීට කලිනුත් සහෝදරයෙක් මගෙ ලිපියට කොමෙන්ටුවක් වශයෙන්  මේ විඩියෝ පිළිබඳව අසා සිටියා ඔහුට  මං පිළිතුරුද ලබා දුන්නා. නැවත ඔබ වෙනුවෙන් මේකට පිළිතුරු සපයන්නම්. ඇත්ත වශයෙන් මේ විඩියෝවේ කරන දේ නම් ඉතාම පහත් නින්දිත ඉතාම කෘර පාප ක්‍රියාවක්. 

මේ විඩියෝවත් සමඟ ආපු ලිපියේ කියලා තියෙනවා වයසක කෙනෙකු සමඟ විවාහ වීම ප්‍රතික්ෂේප කරපු නිසා ඉස්ලාමීය ෂරීයා නිතීය අනුව මෙවැනි දඩුවමක් දුන් බවයි. පලමුවෙන් මං මේ ප්‍රකාශය මුළුමනින්ම ප්‍රතික්ෂේප කරනවා.මෙහිදී මේ ලිපිය ඔබට එවු සහෝදරයා ඉස්ලාමය නිතීය අනුව මුස්ලිම් වරුන් කරපු ක්‍රියාවක් බවට ඔප්පු කරන්න පුළුවන් කිසිම සක්ෂියක් හෝ ඉස්ලාමිය ෂරීයා නිතීය පිළිබඳව කිසිම හැඳින්වීමක් දක්වලා නෑ. ඔහුගේ හිතේ මැවුනු දෙයක් හෝ ඔහුට ලැබුණු දෙයක් ඔහු එලෙසම ඔබට යවලා තියෙනවා.ඔබත් කුඩා ළමයෙකු මෙන් සත්‍ය අසත්‍ය නොවිමසා කෙලින්ම මුස්ලිම්වරුන් වන අපට චෝදනා කරනවා.

සහෝදරයා ඔබටත් අනිත් අයටත් මට කියන්න තියෙන්නේ යම් දෙයක් ගැන විවෙචනයක් තියෙනවානම් ඒ දේ ගැන හරිහැටි දැනගෙන ඉන්පසුවයි අපේ මතය අප ප්‍රකාශ කල යුත්තේ. මෙහිදී සහෝදරයා හෝ මේ ලිපිය එවූ පුද්ගයා  හෝ ඉස්ලාමීය ෂරීයා නිතීය නොදන්නා අය බව පැහැදිලියි. සහෝදරයා  වයසක තියා තරුණ ලස්සන ධනවත් රාජකීය පෙළපතේ එන තරුණයෙක්ව වූවද අකමැතිනම් විවාහ වීම ප්‍රතික්ෂේප කිරීමට  මුළු අයිතියක් කාන්තාවකට ඉස්ලාමය විසින් ලබලා දීලා තියෙනවා. එලෙස තියෙදී කොහොමද ඉස්ලාමීය ෂරීයා නිතියේ විසින් ඔය වගේ දඩුවමක් දුන් බව පවසන්නේ.

 ඉස්ලාමය ෂරියා නිතියේ ඔය  වගේ නිතියක් නැති බව මං වගකීමෙන් ප්‍රකාශ කරන අතර මං ඔබටත් මේ ලිපිය එවු පුද්ගලයාටත් අභියෝග කරනවා  ඉස්ලාමීය ෂරීයා නිතියේ මෙවැනි වැරැද්දක් තියෙනවානම් එය පෙන්වන ලෙස හා ඉස්ලාමිය ෂරියා නිතිය අනුව සිදුවුනානම්  එයට අදල ලියකිවිලි හෝ වෙනත් යම් සාක්ෂියක් ඉදිරිපත් කරන ලෙස..සහෝදරයා ඉස්ලාමීය ෂරීයා නිතීය  අනුව දඩුවමක් දෙනවානම් ඒ දඩුවමට අදාල වැරදි මොනවාද.. දඩුවමක් නියම කිරීමට ප්‍රථම ඔප්පු කල යුතු දේ... ඒ වගේම දඩුවම ක්‍රියාත්මක කරන ආකරයත් පිළිබඳව හොඳින් හදාරන්න ලෙස නැවතත් ඉල්ලා සිටිනවා.

 සහෝදරයා මේ විඩියෝවේ Backround Sound එක සඳහා යොදාගෙන තිබෙන්නේ අල් කුරානයේ වැකි බව පෙනෙන්නට තියෙනවා. මෙහෙදී මං කියන්න ඕන Backround Sound  සඳහා අල් කුරානයේ වැකි යොදාගත් පමණින් එය මුස්ලිම්වරුන් විසින් කල ක්‍රියාවක් බව කෙනෙකු සිතනවානම් එය කොච්චර මෝඩ වංක සිතුවිල්ලක්ද. ඕනෑම කෙනෙකුට ඕනෑම ආගමක ශුද්ධ වූ ග්‍රන්ථයේ වැකි මේ විඩියෝවේ Backround Sound එක සඳහා යොදාගන්න පුළුවන්.

තවත් චෝදනාවක් සහෝදරයාගේ ලිපියේ තිබ්බා මේ විඩියෝ පිළිබඳව සමස්ත ලංකා ජමියතුල් උලමා [ACJU] වෙතින් කිසිම ප්‍රතිචාරයක් නැති බව.මේ වගේ කිසිම පදනමක් සක්ෂියක් නැතිව හිතුමනාපේ මෝඩ කමට එල්ල කරන චෝදනා වලට පිළිතුරු සපයමින් සිටියානම් ඔවුන්ගේ රාජකාරිය ඔවුන්ට හරිහැටි කරන්නට නොහැකි වෙනවා.ඒ වගේම මං මතක් කරන්න ඕන ACJU  ට මේ විඩියෝව ලැබුණුද නැද්ද  යන්න හෝ ඔවුන් මේ විඩියෝවට තම ප්‍රතිචාරය දැක්වුවද කියලා අපි හැරි හැටි දන්නේ නෑ. කෙසේ වෙතත් ඔබට සහ ඔබේ මිතුරන්ටත් මගේ පිළිතුරින් සෑහීමට පත්වෙන්න පුළුවන් වෙයි කියලා මා විශ්වාස කරනවා.

ඉස්ලාමයට මඩ ගහන්න, චොදනා නගන්න සහ ඉස්ලාමයට විරුද්ධව විවිධ ක්‍රියා කරන්නට  කොටි ගණන් වියදම් කරන බෝහෝ පිරිසක්  වර්තමානයේ ඉන්නවා. ඔවුන්ට මිනිස් ජිවිතයක් කිසිසේත්ම වැදගත් නෑ. ඔවුන්ට අවශ්‍ය ඉස්ලාමයට විරුද්ධව වැරදි අර්ථකථනයක් දෙන්නයි.ඔවුන් මේ වගේම මිනිස් ජිවීත එකක් නොවේ තවත් මිනිස් ජීවිත ඉත කෘර ලෙස  විනාශ කරමින් අල් කුරානයේ වැකි Backround Sound එක සඳහා යොදාගනිමින් කිසිම සක්ෂියක් නැතිව මනක්කල්පිත ලිපියක් ලියා  ලොව පුරා බෙදා හරිමින් අන්‍ය ආගමිකයින්ට ඉස්ලාමය පිළිබඳව වැරදි අර්ථකථනයක් ලබා දෙයි.ඔබ වැනි  ස්වයංව හිතන්න්නේ නැතිව කියන කියන දේ විශ්වාස කරන පුද්ගලයින් සිටින තුරු ඔවුන්ට ඔවුන්ගේ කර්‍ය කරගෙන යන්න පහසු වෙනවා.

අවසාන වශයෙන් කියන්න ඕන මැදපෙරදිග රටවල් ආක්‍රමණය කිරීමට සහයෝගය දුන් හිටපු බ්‍රිතාන්‍ය අගමැති ටෝනි බ්ලෙයාර් ගේ බිරිඳගේ එකේ කුසේ උපන් සහෝදරිය වන මාධ්‍යවේදී ලොරෙන් බූත් මහත්මිය ඉස්ලාමය හරිහැටි අවබෝද කරගැනීමෙන් පසුව ගිය වසරේදී ඉස්ලාම් ආගම වැලඳගනු ලැබුවා.[For More Details: http://www.dailymail.co.uk/news/article-1323278/Tony-Blairs-sister-law-Lauren-Booth-converts-Islam-holy-experience-Iran.html] ඉතින් ඉස්ලාමය තුල කාන්තා නිදහසක් නැත්තම්, කාන්තාවන් වහල් ලෙස සලකයි නම්, ඉස්ලාමය කුරිරු නම් බටහිර මාධ්යවේදිනියක් වන ඇය ඉස්ලාම් ආගම වැලඳගනීද...

මට මේ ලඟදී ලැබුනා ප්‍රවෘත්තියක්. එකේදි තිබ්බා බ්‍රිතාන්‍ය හිටපු අගමැති, ඉරාකයේ මහා මිනිස් ඝාතනයට ඇමෙරිකාවට උපකාර කල ටෝනි බ්ලෙයාර් දිනපාතම අල් කුරානය කියවන බව.ඒ ප්‍රවෘත්තිය මෙතනින් බලන්න :  http://www.dailymail.co.uk/news/article-2002883/Tony-Blair-reads-Koran-day-stay-faith-literate.html    එවැනි බලගතු පුද්ගයෙකුට අල්ලාහ් තාආලා නිවැරදි මාර්ගය පෙන්වන්නට ආරම්භ කර තියෙනවානම් ඔබ වැනි සහෝදරයන්ටත් අල්ලාහ් තාආලාගේ අශිර්වාදය ලැබේ යැයි මා විශ්වාස කරනවා.ඉස්ලාමය හරිහැටි අවබෝධකරගන්න , අපක්ෂපාතීව හිතන්න , සත්‍ය වටහාගන්න. ඔබට දෙවි පිහිටයි.  

අල් කුරානයේ වැකි නිසා අසංක සහෝදරයාට ඉස්ලාමයේ කාන්තා නිදහස ගැන ඇතිවූ ගැටලුව...

Posted by සහෝදර එකමුතුව on Wednesday, June 15, 2011 | 0 comments
අසිමීත දයාව හා අසමසම අනුකම්පාවෙන් යුතු අල්ලාහ් ගේ නාමයෙන් ආරම්භ කරමු.


මාගේ කලින් ලිපියකට අසංක සහෝදරයා අල් කුරානයේ යම් යම් කොටස් ඉදිරිපත් කරමින් පැහැදිලි කරන ලෙස ඉල්ල සිටියා. මා නැවත් ඔහුට කියන්නේ අල් කුරානය හා අල් හදීසය මුළුමනින්ම කියවන ලෙසයි.  ඔහුගේ ඉල්ලූ පැහැදිලි කිරීම කියවන්නන්ගේ පහසුව පිණිස වෙනම ලිපියක් ලෙස මෙසේ ලියනවා.දැන් හෝ ඔහු සත්‍ය වටහා ගනේ යැයි අපේක්ෂා කරනවා.


අසංක සහෝදරයා ඔබට පිළිතුරු සපයන්න කලින් මං පොඩි කතාවක් කියලා ඉන්නම්. ලියුම්කරුගේ නලා හඬ ඇසුනු මව ගෙට්ටුව ගාවට යනවා. 


"ගේ පිටිප්ස්සේ ඉඳන් එන පුතා දකිනවා  මවගේ පිටිපස්සෙන් විෂඝෝර සර්පයක් යනවා මවට දෂ්ඨ කරන්න. මෙය දුටු පුතා දුවගෙන ගොස් මවව එහාට තල්ලු කරනවා. තල්ලු කිරීම්දී සමබරතාවයක් අහිමි වී මව බිම වැටි තුවාල වෙනවා."



දැන් මෙතැනදී විෂඝෝර සර්පයාගෙන් මවව බේරාගැනීමේ යහපත් චේතනාවෙන් තමා පුතා මවවාහකට තල්ලු කරන්නේ.


දැන් කවුරු හරි කිව්වොත් පුතා මවව තල්ලු කරලා. මව බිම වැටිලා  ඇයට තුවාල වෙලා කියලා. එතැනදි සිද්ධ වුනේ වැරදි අර්ථකථනයක්. ඔන්න ඔඅය වගේ තමා සහෝදරයත් අල් කුරාන්යේ එක වැකියක් පමණක් අරගෙන වැරදි අර්ථකථනයක් දෙන්න නිශ්ඵල උත්සහයක නිරත වෙන්නේ. 


මං කිව්වේ නෑ අල් කුරානයේ වැකි අයින් කරන්න කියලා. මං කිව්වේ අල් කුරානය මුළුමනින් කියවන්න. කුමන අවස්ථාවක් සඳහා කුමන වේලාවෙදී කවුරු සඳහා  දෙන ලද පණිවුඩද යන්න අවබෝධකරගන්න කියලයි.


දැන් සහෝදරයා දීලා තියෙන කුරානයේ වැකි ගැන පොඩ්ඩක්  බලමුකෝ.

කුරානය: 2.228. ... පුරුෂයන්ට මෙන් ස්ත්‍රීන්ටද සමාන අයිතීන් ඇති අතර, නමුත් පුරුෂයන් එක් මට්ටමකින් ස්ත්‍රීන්ට වඩා ඉහලින් සිටී.

මුළු පරිච්චෙදයම කියවීම සඳහා මෙතැනට යන්න  http://quran.com/2


අල් කුරානයේ 2:228 කියන්නේ ටිකක් ලොකු පරිච්චේදයක්. සහෝදරයා එකේ කොටස් දෙකක් අරගෙන තියෙනවා. මෙකෙදී  කාන්තාවන් හා ස්ත්‍රීන් සමාන අයිතීන් තියෙනව කියනවා ඒක හරි.දෙවැනි එකෙන් කියන්නේ කාන්තාවන්ට වඩා පිරිමින් එක් මට්ටමකින් ඉහලින් සිටිනවා කියලයි. එකෙන් අදහස් කලේ කාන්තාවන්ට වැඩිය පිරිමි ශක්තිවන්තයි. වෛද්‍ය විද්‍යාව අනුවත් එය ඔප්පු වෙලා තියෙනවා. කාන්තාවට හා පිරිම්න්ට සම අයිතිවාසිකම් දෙන්න ඕන ඒ වගේම කාන්තාවන්ට වඩා පිරිමින් ශක්තිමත් බව ඉස්ලාමය පවසනවා. එයයි සත්‍ය මෙතැනදි කිසිම ගැටලුවක් මතු වෙන්නේ නෑ. 



ඉන් පසු,

කුරානය 4:24. විවාහවූ ස්ත්‍රීන් ඔබට තහනම් වුවත්, ඔබගේ දකුණු අතට අයිති (යුද්ධයකදී අත් අඩංගුවට ගත් හා වහල් ගැහැණුන්) විවාහකයන් වුවත් ඔවුන් සමඟ ලිංඟිකව හැසිරීම තහනම් නොවේ.


මුළු පරිච්චෙදයම කියවීම සඳහා මෙතැනට යන්න  http://quran.com/4


මෙහිදීත් ඔබ අල් කුරානයේ 4:24 මුළු පරිච්චෙදයම ගන්නේ නැතුව කොටසක් විතරක් අරගෙන වැරදි අර්ථකථනයක් ලබා දීමේ නිශ්ඵල උත්සහයක නිරතවෙලා තියෙනවා


මෙහිදී මුළු පරිච්චේදයම කියෙව්වානම් ඔබට අවබෝධකරගන්න පුළුවන්   වහල් ස්ත්‍රීන් හා යුද්ධයේදී අත් අඩංගුවට ගත් කාන්තාවන් ඉස්ලාමයේ නිතීය අනුව මහර් [ විවාහ වීමේදි පිරිමියා විසින් කාන්තාවට දෙනු ලබන දෑවැද්ද] දීමෙන් විවාහ කරගෙන එය සමඟ එක් වෙන්න පුළුවන් බවයි. ඒත් විශේෂයෙන් කියන්න ඕන මෙහෙම තමා කලයුතු බව ඉස්ලාමයේ අණකිරීමක් කරලා නෑ. 



ඉන් පසු,

කුරානය: 4.34. පුරුෂයින්ට ස්ත්‍රීන් භාරවන අතර එයට හේතුව අල්ලා දෙවියන් පුරුෂයින් ස්ත්‍රීන්ට වඩා උසස් ලෙස මවා ඇති බැවින් හා එලෙසම පුරුෂයින් ඔවුන්ගේ වස්තූන් වියදම් කරන (ස්ත්‍රීන් උදෙසා) බැවිනි. එහෙයින් හොඳ ස්ත්‍රීන් කීකරු හා රහස් පෙදෙස් (අල්ලා නියමකල පරිදි) ආරක්ෂාකර ගන්නෝය. කීකරු නොවේ යයි ඔබ සිතන ස්ත්‍රීන්ට අවවාද කරන්න, නිදි යහනෙන් ඈත් කර තබන්න, හෝ තලන්න (කෝට්ටකින්).


මුළු පරිච්චෙදයම කියවීම සඳහා මෙතැනට යන්න  http://quran.com/4


අල් කුරානයේ 4:34 ටිකක් දිග පරිච්චේදයක් .එහිදීත් ඔබ යම් කොටසක් පමණක් අරගෙන නැවතත් වැරදි අර්ථකථනයක් දීමේ නිශ්ඵල උත්සහයක නිරත වෙලා සිටිනවා.දැන් මෙහිදී කියලා තියෙන්නේ කාන්තාවකගෙන් තමන්ගේ සැමියාට ඉටුවිය යුතු යුතුකම් ගැනයි. කාන්තාවක් තමන්ගේ සැමියාට ද්‍රෝහි වී අසංවර ලෙස හැසිරෙමින් අයහපත් මාර්ගයේ යයි නම් පලමුවෙන් ඇයට අවවාද කලයුතුයි. එසේ අවවාද කිරීමෙන් පසුත් ඇය තව දුරටත් අයහපත් මාර්ගයේ යයි නම් ඇයව නිදි යහනෙන් ඈත් කල තිබිය යුතුයි. තවදුරත් ඇය අයහපත් මාර්ගයේ යයි නම් ඇයට තුවාල නොවන අයුරින් කොට්ටකින් ගහලා යහපත් මාර්ගයට ගන්න ඕන. එයයි අල් කුරානයේ සඳහන් වෙලා තියෙන්නේ. අපිට කොයිතරම් නම් අපේ දෙමව්පියන් සහ ගුරුවරුන් කෝට්ටෙන් ගහලා තියෙයිද..ඒ අපිව යහපත් මාර්ගයේ ගන්න ඕන නිසයි...ඒ වෙලවෙදී අපි ඒකට අකැමැති වුනත් පසුව අපි එය තෙරුම් ගන්නවා....ඉස්ලාමය කියන්නෙත් මිනිස්  ජිවිතේ ඕනෑම අවශ්ථාවක ඇතිවන ගැටලුවකට පිලිතුරු ලබා දෙනා සත්‍ය මාර්ගයයි.


ඒ වගේම අල් හදීසය මඟින් නබි තුමා පවසා තිබෙන්නෙ කවුරු හෝ සැමියෙක් තමාගේ භාර්යාවට නිකන් ගහයි නම් ඔහු සැබෑ පිරිමියෙක් නොවන බවත්..ඔහු පාප ක්‍රියාවක් කරන බවත්ය.ඉස්ලාමය තුල කාන්තාවන්ට පුර්ණ නිදහසක් , පිරිමින් හා සමාන අයිතිවාසිකම් හා සතුටින් ජීවත් වීමේ පසුබිමක් සකස් කර දී තිබෙනවා.


අවසාන වශයෙන් කියන්න ඕන මැදපෙරදිග රටවල් ආක්‍රමණය කිරීමට සහයෝගය දුන් හිටපු බ්‍රිතාන්‍ය අගමැති ටෝනි බ්ලෙයාර් ගේ බිරිඳගේ එකේ කුසේ උපන් සහෝදරිය වන මාධ්‍යවේදී ලොරෙන් බූත් මහත්මිය ඉස්ලාමය හරිහැටි අවබෝද කරගැනීමෙන් පසුව ගිය වසරේදී ඉස්ලාම් ආගම වැලඳගනු ලැබුවා. [For More Details: http://www.dailymail.co.uk/news/article-1323278/Tony-Blairs-sister-law-Lauren-Booth-converts-Islam-holy-experience-Iran.html] ඉතින් ඉස්ලාමය තුල කාන්තා නිදහසක් නැත්තම්, කාන්තාවන් වහල් ලෙස සලකයි නම්, ඉස්ලාමය කුරිරු නම් බටහිර මාධ්යවේදිනියක් වන ඇය ඉස්ලාම් ආගම වැලඳගනීද... 


 හිතවත් සහෝදරවරුනි ඉදිරියෙදී මාගේ කාර්යබහුලලකම හේතුවෙන් ඔබගේ ගැටලුවට පිළිතුරු සැපයිමෙදීයම් ප්‍රමාදයක් සිදුවෙන්න පුළුවනි. මට හැකි අයුරින් ඔබගේ  ගැටලුවලට මාගේ කාලය කළමණාකරනය කරගනිමින් පිළිතුරු සපයන්නට හැකි උපරිම උත්සහයන් ගන්නා බව සිහිපත් කරමි. 


සහෝදරවරුනි අන්‍ය ආගම්වල කාන්තා නිදහස ගැන කතා කරන්නට කලියෙන් අපි අපෙන් කාන්තාවන්ට ඉටුවිය යුතු යුතුකම් හරි හැටි ඉටු කලාද? කියලා ටිකක කල්පනා කරලා බලමු. පලමුව අපි හැදෙමු.


 මා නැවත් නැවත් කියන්නේ ඉස්ලාමය හරි හැටි අවබෝධකරගන්න. අල් කුරානය මුලුමනින් කියවන්න අල් හදීසය මුළුමනින් කියවන්න. සත්‍ය මාර්ගය වටහාගන්න. ඔබට දෙවි පිහිටයි

නැවත නැවත් මුස්ලිම් කාන්තාවන් පිළිබඳව බුවා සහෝදරයාට ගැටලු මතුවන්නේ ඇයි?

Posted by සහෝදර එකමුතුව on | 1 comments
අසිමීත දයාව හා අසමසම අනුකම්පාවෙන් යුතු අල්ලාහ් ගේ නාමයෙන් ආරම්භ කරමු.

මගේ කලින් ලිපියට ප්‍රතිචාරයක් වශයෙන් අදහස් දක්වපු බුවා සහෝදරයා යම් ප්‍රශ්න මතුකරලා තිබ්බා ඒවාට පිළිතුරු කියවන්නන්ගේ පහසුව පිණිස මෙලෙස වෙනම ලිපියක් ලෙස ලියනවා. බුවා සහෝදරයාගේ ප්‍රශ්ණය දක්වමින් ඊට පහතින් පිලිතුරු දක්වනවා.


buwa said...

කාන්තාවන්ට ඕනි ඇඳුමක් ඇඳීම මානව නිදහස කියලයි අපි දකින්නේ . ඉස්ලාම් කාන්තාවන් බහුතරය ඔය විදිහට අඳින්නේ තම්න්ගෙ කැමැත්තෙන් කියන්නෙ අලි මුසාවක් . වෙනත් කිසිම සමාජයක දකින්න නැති ඒවා ඔබතුමාලගෙ මුස්ලිම් සමාජයේ දකින්න ලැබෙන්නෙ ඒකයි . එමීර් රාජ්‍යයේ ඔය ඇඳුමට පිටින් කාන්තාවන්ට ඇඳගෙන යන්න බැ කියලයි එහේ ගිය අය කියන්නේ . ඒ නීති නැති නිසාද ? ඔබ ල උපකරන වල සහ ගැහැණුන්ගෙ වෙනස අඳුනන්නෙ නැ කියන එක දීල තියන උදාහරන වලින් පේනවා . ගැහැනිය කියන්නෙ පිරිමයාගෙ අවශ්‍යතාව අනුව තෝග ගන්න තියන ප්‍රදර්ශන භාණ්ඩයක් නෙවෙයි (ඔබලාගේ දහම තුල එහෙම වෙන්න ඇති ) ඒ අයටත් තම්න් කැ,මති දේ කරන්න වගේම කැමති පිරිමියෙක් තෝර ගන්නත් අයිතිය තියෙයි . කන්‍යා සොහොයුරියන් ගුරු වෘත්තිය හැර වෙනත් වෘත්ති වල නියෙලෙන්නෙ නැ . උගන්වීම ශේෂ්ට ක්‍රියාවක් . අනික ඉස්සර අධ්‍යාපනය පාදක උනේ ආගමත් එක්ක ඒ නිසා තමයි , ෆාදර්ල , කන්‍යා සොහොයුරියන් වගේම හාමුදුරුවරුත් උගන්වන්නේ . රෝමානු කතෝලික අය විවාහ වෙන්නේ නැ , අනිකුත් නිකාය වල අය විතරයි විවාහ වෙන්නෙ


බුවා සහෝදරයාගේ ප්‍රතිචාරයට ස්තූතියි වන නමුත් ඉස්ලාමය හරි හැටි අවබෝධර නොගෙන නැවත නැවත එකම දේ ප්‍රකාශ කණගාටු වෙනවා.


සහෝදරයා ඔබ කියන විදිහට තමන් කැමති ඕනෑම ඇඳුමක් අඳින්න ඕනෑම කෙනෙකුට නිදහස තියෙනවා. එත් අපි අඳින ඇඳුම සංවර අනුන්ට කරදරයක් නොවන ඇඳුමක් වෙන්න ඕන. නැත්තම් අපිට උපන් ඇඳුමෙනුත් ඉන්න පුළුවන්නේ.එතකොට අපෙත් සත්තුන්ගෙත් වෙනසක් නැති වෙනවා. 


සහෝදරයා ඉස්ලාමයත් කාන්තාවන්ට වගේම පිරිමින්ට ඔවුන් කැමති ඇඳුමක්  අඳින්න අවසර දීලා තියෙනවා. ඒ අඳින ඇඳුම සංවර , අනුන්ට කරදරයක් නොවන ඇඳුමක් විය යුතු බවයි ඉස්ලාමය පවසන්නේ. ඒ වගේමයි මුස්ලිම් කාන්තාවන් සමහරක් ඔය හිජාබය අඳිනවා, සමහරක් මුහුන වහනවා, සමහරක් සල්වාර් කියන ඇඳුමත් අඳිනවා. මුස්ලිම් කාන්තාවන් ඔවුන්ට තියෙන අයිතිවාසිකම් හා නිදහස අනුව ඔවුන් කැමති ඇඳුමක් සංවර අනුන්ට කරදරයක් නොවන ඇඳුමක් අඳිනවා. එය ප්‍රශ්න යක් කරගන්න ඕන වෙන්නේ නෑ. අල්ලපු ගෙදර කාන්තාව ගෙන කතා කරන්නවත් අපිට අයිතිය නැති එකෙ වෙනත් ආගමක කාන්තාවක් ගැන හරි හැටි නොදැන  ඔවුන්ගේ අඳුම් ගැන විවෙචන කිරීම සධාචාර විරෝධි බවයි මම හිතන්නේ.


බහුතර මුස්ලිම් කාන්තාවන් ඔය විදිහට අඳින්නේ ස්ව කැමැත්තෙන් කිය න එක අලි මුසාවක් කියලා සහෝදරයා කියන්නේ කොහොමද? සහෝදරයා සමීක්ෂණයක් කලාද?... සාමන්‍ය කාන්තාවක් පිළිබඳව තේරුම ගැනීම පවා අමාරු කාර්යයක් බව පවසද්දී අන්ය ආගමික කාන්තාවන්ගේ කැමති අකැමැති දේ පිළිබඳව ඔබ ප්‍රකාශ කිරීම හරිම විශ්මයජනකයි. ඒ වගේම සහෝදරයා කටට ආ පලියට කියු පමණින් එය ඇත්ත වෙන්නේ නෑ.


සහෝදරයා වෙන කිසිම සමාජයක එහෙම දකින්න ලැබෙන්නේ නෑ කියන්නේ කොහොමද?... ජපානයේ සම්ප්‍රදායික ඇඳුමත් මුළු ශරීරය ආවරණය වන ඇඳුමක්..චීනයෙත් ඒ වගේමයි. බටහිර රටවල් වුනත් වර්තමානයේ නවීන විලාසිතා යැයි  පවසමින් සිරුරේ අවයව පෙනෙන පරිදි අසංවර ලෙස ඇඳුම් භාවිතා කලත්  බටහිර කාන්තාවන්ගේද සම්ප්‍රදායික ඇඳුම වනුයේ මුළු ශරීරයම ආවරණය වන පරිදි දිගු ගවුමක් හා හිස ආවරණය කිරීමයි. අනෙකුත් සමාජ දෙසද  හරි ආකාරව අධ්‍යනය කලහොත්  ඒ පිළිබඳව තවත් ඔබට අවබෝධ කරගත හැක. මුස්ලිම්වරුන් වන අපි අපෙ  සම්ප්‍රදාය නොකඩවා පවත්වාගෙන යන්නෙමු.  එයට හේතුව  ඉස්ලාමය යනු  අතීතය, අනාගතය හා වර්තමානය යන කාලයන් තුනතම ගැලපෙන පරිදි අල්ලාහ් තාආලා විසින් අපිට දායද කරපු ධර්මයක් වීමයි


සහෝදරයා ඔබ එමීර් රාජ්ය ගැන කතාවක් කිව්වා. මෙච්චර තාක්ෂණය දියුනු වෙලා තියෙන අවස්ථාවක එක එක අය කිව්ව කතා පදනම්ව මෙවැනි ප්‍රකාශ කිරීම කණගාටුවට කරුණක්. එහි සිටින මුස්ලිම් කාන්තාවන් ඔවුන් කැමැති විදිහට සංවර, අනුන්ට කරදරයක් නොවන විනීත ඇඳුමක් අඳිනවා ඒ වගේම එහි සිටින අන්‍ය අගමිකයින්ද ඔවුන්ගේ කැමත්ත පරිදි ඔවුනට අවශ්‍ය දේ අඳිනව. මේක මගෙන්  සියැසින්ම මං දැකලා තියෙනවා.


සහෝදරයා ඔබ නැවතත් මගේ ප්‍රකාශය වැරදි ලෙස වටහාගෙන.සහෝදරයා උදාහරණයක් කියන්නේ වටහා ගැනීම පිණිස වෙනත් දේවල් වලින් සරලව කියා දීමක් මිස එය එම ප්‍රකාශය සමඟ සමාන කරන්න හැකියාවක් නෑ.මං කොයිවෙලාකවත් උපකරණයි කාන්තාවනුයි සමාන කලේ නෑ. ඒ වගේම ඉස්ලාමයේත් එහෙම කියලත් නෑ. ඔබ තේරුම් ගත්ත විදිහ වැරදියි.මං එකෙන් අදහස් කලේ උපකරණ වලටම අපි එතරම සැලකිල්ලක් දක්වනවානම් එවාට වඩා වටිනා අපේ කාන්තාවන්[ මව, සහෝදරිය, දියණිය, බිරිඳව] පිළිබඳව ඊට වඩා අපි සැලකිලිමත් වෙන්න ඕන. ඔවුන්ව ආරක්ශා කරන්න ඕන බවයි.


සහෝදරයා අපේ දහමේ කියලා තියෙන විදිහට අපි අපේ කාන්තාවන්ට හුඟක් ගරු කරනවා. ඔවුන්ව ආරක්ෂා කරනවා. ඔවුන්ගේ අවශ්‍යතාවයන් ඉටුකරලා දෙනවා. නමුත් අපේ හැඟීම් වලට ගරු නොකරමින් වැරදි අවබෝධයෙන් ඔබ විසින් ඉස්ලාම් දහමට විරුද්ධව කරනු ලබන අන්තවාදී ප්‍රකාශ පිළිබඳව මං කණගාටු වෙනවා. කාන්තා සිරුර හරිහැටි බැලීමේ පහත් ආශාවන් මුස්ලිම් කාන්තාවන් ඉදිරියෙදී වැලකී යාම නිසාදෝ ඔබ වැනි සහෝදරයින් මුස්ලිම් කාන්තාවන්ගේ ඇඳුම් ගැන ඔච්චරටම විරුද්ධ වන්නේ යැයි මට සාධාරණ සැකයක් මතුවෙනවා.


කන්‍යා සහෝදරියන්ගේ ගුරු වෘත්තීය ගැන මං ප්‍රකාශ කලේ කන්‍යා සොහොයුරියන්ද මුළු ශරීරයම වැසෙන පරිදි ඇඳුම් ඇඳෙන බව මං ප්‍රකාශ කල විට යම් සහෝදරයෙක් මට පැවසුවේ ඔවුන් ආගම වෙනුවෙන් කැප වුනු අය බවයි. එහිදි මා පවසා සිටියෙ ඔවුන් ආගම වෙනුවෙන් කැපවී සිටිය විවාහය හැර ඔවුන්ගේ සියලු අවශ්‍යතාවයන් ඔවුන් ඉටුකරනවා වගේම අපිත් අපේ ආගම වෙනුවෙන් කැප වෙලයි ඉන්නේ ඒ වගේම ඉස්ලාමය අපිට කියා දුන් විදිහට විව්වහ් කරගෙනද සිටිනවා කියලා. එහෙනම් අපිටත් අයිතියක් තියෙනවා අපේ ආගම වෙනුවෙන් කැපවෙලා ඉන්න පිරිසක් වශයෙන් ආගම කියලා දීල තියෙනේ විදිහට සංවරව විනීතව අනුන්ට කරදරයක් නොවන්න අපේ ඇඳුම සකස් කරගන්න.


සහෝදරයා මා දන්නා තරමින් බයිබලයේ කිසිම තැනක විවාහ නොවිය යුතුයි කියලා අණ කරලා නෑ. කතෝලික පූජකවරුන් විවාහ නොවිය යුතු බවට නිතීයක් ගෙන එන ලද්දේ කතෝලික සභාවෙන් බව මතක් කරන්න ඕන. සහෝදරයා කියනවා කැමති ඇඳුමක් ඇඳීම මානව නිදහස කියලා. ඒ වගේම තමා නිත්‍යානුකූලව විවාහ වී ලිංගිකව හැසිරීමත් මානව නිදහස්. ලිංගික ආශවන් මිනිසාගේ අත්‍යවශය අවශ්‍යතාවලින් එකක් බව අමුතුවෙන් මතක් කරන්න ඕන නෑ. ස්වල්ප දෙනෙකුට තම ලිංගික ආශාවන් පාලනය කරගෙන ඉන්න පුළුවන් වූවද බොහෝ දෙනෙකුට එසේ කල නොහැක.එහි ප්‍රතිපලයක් ලෙස පසුගිය වසරේ අපට අසන්න ලැබුනා අයර්ලන්තයේ කතෝලික පූජකවරුන් විසින් පිරිමි  ලමුන් ලිංගික අපයෝජනය සඳහා යොදාගත් බව. මෙය තහවුරු වීමෙන් පසුව ශුද්ධෝත්තම 16 වැනි බෙනඩික් පාප් වහන්සේ විසින් ප්‍රසිද්ධියේ සමාව අයදිනු ලැබු බවද මතක් කරන්න ඕන.ඒ වගේම මං පෞද්ගලිකව දන්නවා ලංකාවෙත් ඔය වගේ ඕනෑ තරම් සිදුවෙන බව. මේවාට හේතු මානව නිදහසක් වන විවාහය තහනම් කිරීම නොවේද?...


අන්‍ය ආගම් පිළිබඳව අදහස් දැක්වීම මං අකමැතිම දෙයක් නමුත් මෙහිදී මානව නිදහස ගැන කතා වුනු හින්දා මට මේ පිළිබඳව සඳහන් කරන්න සිදුවුනා. 


නැවත නැවත මා පවසන්නේ ඉස්ලාමය හරිහැටි අවබෝධකරගන්න ..අල් කුරානය මුළුමනින කියවන්න අල් හදීසය කියවන්න අපක්ෂපාතීව හිතන්න...සත්‍ය වටහාගන්න.. ඔබට දෙවි පිහිටයි.

ඉස්ලාමය පිළිබඳව බුවා සහෝදරයාගේ සහ අසංක සහෝදරයාගේ ගැටලුවලට පිළිතුරක්

Posted by සහෝදර එකමුතුව on Tuesday, June 14, 2011 | 5 comments
අසිමීත දයාව හා අසමසම අනුකම්පාවෙන් යුතු අල්ලාහ් ගේ නාමයෙන් ආරම්භ කරමු.


මගේ කලින් ලිපියට ලැබුණු ප්‍රතිචාර දෙකකට ඔවුන් පිළිතුරු බලපොරොත්තු වුනා. ඒ වගේම ඒ පිළිතුරුත් ප්‍රතිචාරයක් ලෙස සටහන් කලා. නමුත් කියවන්නන්ගේ පහසුව පිණිස ඒ සහෝදරයන්ගේ ගැටලුත් ඒ සඳහා පිළිතුරුත් වෙනම ලිපියක් ලෙස මෙහෙම ලියනවා.


buwa said...

කතෝලික ආගමේ සොහොයුරියන් ආගම වෙනුවෙන් කැප වෙච්ච අය , ඔය ගොල්ලන්ගෙ ඔය විදිහෙ ඇඳුම් අදින්නෙ සාමාන්‍ය ගැහැනු අය . ඔය කියන විදිහේ නීතී දාල නැත්නම් සාතිශය බහුතරයක් ඒ විදිහට අඳින්නෙ ඇයි ? කියල අපිට ප්‍රශ්නයක් මතුවෙනව . වෙන කිසිම ආගමක කාන්තාවන් ඔය වගේ එකම පාට , එකම විදිහේ ඇඳුම් අදින්නේ නැ . මොකක්ද ඒ කට හේතුව

බුවා සහෝදරයා අපිත් ආගමට කැප වුනු අය.යම් දෙයකට කැපවීමක් කියන්නේ මොකද්ද? ඒ දේ විතරයි විතරයි වෙන කිසිම දෙයක් කරන්න බෑ කියන එකද? නෑ.දැන් අපි අම්මා වෙනුවෙන් කැප වෙලා වැඩ කරනවා. ඒ වගේම අම්මාගේ අවවාද සහ අනුශාසනා අරගෙන අපි අපේ අධ්‍යාපන කටයුතුත් කරගෙන යනවා, විවාහකනම් පවුල ගැන සොයලා බලනවා, ව්‍යාපර කටයුතුත් කරගෙන යනවා වගේම අපේ අනෙකුත් අවශ්‍යතාත් අපි ඉටු කරගන්නවා. මුස්ලිම්වරුන් වන අපිත් ඒ වගේ ඉස්ලාම් ආගමට කැප වෙලා ඉන්නවා. ඒ වගේම ඉස්ලාම් ආගම කියල දීපු විදිහට අපි ජීවත් වෙනවා.මුස්ලිම් ආගමේ අන්‍ය ආගම් වගේ විශේෂ පූජකවරුන් නෑ. පල්ලිය භාරව ඉන්න මුස්ලිම් සහෝදරයන් වුනත් විවාහ වෙලා පවුල් ජිවතයක් ගත කරනවා ඉස්ලාමය කියල දීපු විදිහට. දැන් මට වුනත් පල්ලියකට ගිහින් පස්වේලේ සලාතය මෙහෙයවන්න පුළුවන්. මොකද මුස්ලිම්වරුන් වන අපි හැමෝම ඉස්ලාමය ගැන ඉගෙනගන්නවා ඒ වගේම ඉස්ලාමයට කැප වෙලා ඉන්නවා.කතෝලික සහෝදරියන් ආගමට කැප වුනාට ඔවුනුත් ඔවුන්ගේ අනෙකුත් අවශ්‍යතාවයන් ඉටුකරනවා විවාහය හැර[මා දන්නා පරිදි බයිබලයේ කාටවත් අණ කරලා නෑ විවාහ නොවී සිටින්න කියල]. කනවා , බොනවා, රැකියා කරනවා [ මගේ පාසලේ කතෝලික සහෝදරියන් ගුරුවරුන් ලෙස සේවය කරනවා.මුස්ලිම් වරුන් වන අපිත් අපේ ආගමට කැප වෙලයි ඉන්නේ ඒ වගේම අපේ අවශ්‍යතාවයන් ඉස්ලාමය කියල දීපු විදිහට ඉටුකරනවා.

අනුන්ට කරදරයක් නොවන විනීත සංවර ඇඳුමක් අඳින්න ඉස්ලාමයෙන් අවසර දීලා තියෙනවා. එතකොට මුස්ලිම් කාන්තාවන් බහුතරයක් එහෙම අඳින්න කැමති එහෙමනම් ඒක කාටවත් ගැටලුවක් නෙමෙයි. මොකද ඒක ඔවුන්ගේ ස්ව කැමැත්ත.කෙනෙකුගේ කැමත්තට බලපෑම් කරන්න අපිට අයිතියක් නෑ. අනෙකුත් කාන්තාවන් ඩෙනිම් , කොට සාය සහ තම ශරීර අවයවයන් පෙනෙන පරිදි නොයෙකුත් අසංවර අඳුම් ඇඳීම ඔබලාට ප්‍රශ්නයක් නොවේ. බුවා සහෝදරයා හවස් වේලාවේ ඔබ යම් කඩේකට යනවා කෑමක් කන්න එතැන කඩේ ඉස්සරහම පාරේ යන එන හැමෝටම පේන විදිහට තියෙලා තියෙනවා සිනීසම්බල් දාපු පාන් කාලක්.මේ පාන් කෑල්ල උදේ ඉඳලා හවස වෙනකම් පාරේ යන එන ඔක්කෝම බලාගෙන යන්නේ. දැන් බුවා සහෝදරයා පාන් කෑල්ලක් ගන්න ඕන වුනාම සහෝදරයා ගන්නේ ඔය කඩේ ඉස්සරහම තිබ්බ ඔක්කෝම වගේ බලාගෙන ගිය පාන් කෑල්ලද නැත්තම් හදලා කඩේ ඇතුලේ තියෙන පාන් කෑල්ලද? සහෝදරයා යනවා මොබයිල් එකක් ගන්න එතැන තියෙනවා ප්‍රදර්ශනයට තිබ්බ මොබයිල් එකක්.දැන් සහෝදරයා කැමති වෙනවා ඒ වර්ගයේ මොබයිල් එකට.නිකන් හරි ප්‍රදර්ශනය සඳහා තිබ්බ මොබයිල් එක දුන්නොත් සහෝදරයා කැමති වෙනවද? නෑ ..හේතුව ඒක හැමෝම වගේ අතපත ගාපු එකක්. සහෝදරයා ඉල්ලන්නේ ස්ටෝර් එකෙන් එකේ තියෙන මොබයිල් එකක්. මං දැන් කිව්වේ උදාහරණයක්. ඔය වගේ තමා අපි අනාගතය විවාහ වෙන්න ඉන්න කාන්තාව, අපේ සහෝදරිය හෝ අපේ මව අනිත් පුද්ගලයන්ට තමන්ගේ අවයවන් පෙනෙන පරිදි ඇඳුම් ඇඳීම හරිද... පිරිම අපි වුනත් අඳින්න ඕන විනීත ලෙස. 

පාට නම් සහෝදරයා මං ලිපියේ කියපු විදීහට තමන්ට කැමති පාටක් තෝරගන්න පුළුවන්. දැන් අනිත් ආගම් වල එහෙම නැති එකට ඉස්ලාමය වගකියන්න ඕන නෑ.ඒක ඔවුන්ගේ ප්‍රශ්නයක්. ජපාන සම්ප්‍රදායික ඇඳුම බැලුවත් ඔවුනුත් හිස හස මුහුන හැර මුළු ශරීරයම වැසෙන පරිදි තමා කාන්තාවන් හා පිරිමින් ඇඳුම් අඳින්නේ. තවත් මේ ගැන ගැඹුරින් හොයලා බැලුවනම් තවත් කරුණු කාරනා අපිට දැනගන්න පුළුවන්. බුදු හාමදුරුවන්ගේ දේශණා අනුවත් කාන්තාවන් හැසිරිය යුතු ආකාරය කියලා දීලා තියෙනවා. මට ධම්ම පදය මතක නෑ පුළුවන් නම් හාමදුරුකෙනෙකුගෙන් විමසන්න බුදුහාමදුරුවෝ දේශ්නා කරලා තියෙන විදිහට කාන්තාවක් හිනාවෙනකොට ඇයගේ දත් නොපෙන්විය යුතුයි. මේවගේ හුඟක් කාරණ තිබ්බට කාලය මදිකම නිසා මෙතැනින් නවත්තනවා.

ප්‍රතිචාරය ස්තූතියි..ඔබට දෙවි පිහිටයි


අසoක said...

"ලෝකයේ තියෙන එකම සත්‍ය මාර්ගය ඉස්ලාම් ආගම"...හිකිස්ස් පිස්සුවක් ඇතෑයි...උඹලයි ආගමේ අන්ය ආගමිකයින් මරන්න කියලා තියෙන්නේ එවා එතකොට හරිද අහවල් එක තමයි,බොලයි ආගම තියෙන්නේ බඩු ගහන්නයි මිනී මරන්නයි,කාලකන්නි හෑතිකරේ

අසංක සහෝදරයා රයිට් සහෝදරයෝ ගුවන් යානයගැන මුලින්ම කතා කරනකොට සහෝදරයා වගේ පටු දැනුමක් ඇති අය කිව්වෙත් "හිකිස්ස් පිස්සුවක් ඇතෑයි" කියන එකයි. කොච්චර විවෙචන එල්ල වුනත් ඔවුන් ඔවුන්ගේ ක්‍රියාව නොනැවතී ඉදිරියට ගෙන ගියා අවසානයේදී ඔවුන් ජයගත්තා. ඒ වගේ අපිටත් කොච්චර විවෙචන , මඩ ප්‍රහාර, අසත්‍ය ප්‍රකාශ එල්ල වුනත් අපි අපෙ ගමන් නොනැවති ඉදිරියටම යනවා. ජයගන්නවා[ස්වර්ගයට ඇතුල් වෙනවා].

ඉස්ලාමය කොහෙද අන්‍ය ආගමිකයින් මරන්න කියලා තියෙන්නේ? එහෙමනම් අරාබී මහද්වීපයේ මුස්ලිම් රටවල් වල ජීවත් වෙන ක්‍රිස්තියානුවෝ එක් කෝටි හතලිස් ලක්ෂයක් සහ අන්‍ය ආගමිකයින් මරලා තියෙන්න ඕන. සහෝදරයා මතුපිටින් බලාගෙන හදිසි නිගමන වලට එන්න එපා. නබි තුමාගේ කාලේ ඉස්ලාමය නොපිළිගත් අය මුස්ලිම්වරුන් සමග යුද්ධයකට ආවා. එතැනදී අපිටත් යුද්ධ කරන්න සිදුවුනා.ඒ වෙලාවෙදී අල්ලාහු තාආලා නබිතුමාට අණ කලා ඔවුන් ඉදිරියට එන විරුද්ධවාදී අන්‍ය ආගමිකයින් මරා දමන්න කියලා. නැත්තන් සිදුවන්නේ අපිට මැරෙන්නයි. 

එහෙම නැතුව අල් කුරානයේ හෝ අල් හදීසයේ කිසිම තැනක සඳහන් වෙලා නෑ පාරේ යන එන කොට හමුවෙන හැම අන්‍ය ආගමිකයින්වම මරන්න කියලා. ඉස්ලාමය කියලා තියෙන්නේ අන්‍ය ආගමිකයින්ට ගරු කරන්න ඔවුන්ගේ හැඟීම් වලට ගරු කරන්න ඔවුන්ට උපකාර කරන්න කියලයි. අන්‍ය ආගමිකයෙකුගේ මළ සිරුරක් අරන් යනවානම් නැගී සිටිමින් ආචාර කරන්න කියලයි ඉස්ලාමය අපිට කියලා දීලා තියෙන්නේ. කුරානයේ තියෙන්නේ එක වාක්‍යයක් විතරක් අරගෙන ඉස්ලාමය විවෙචනය කරන්න එපා. මුළු මනින්ම කුරානය කියවන්න ඉස්ලාමය හොඳින් අධ්යනය කරන්න. පොතක වාක්‍ය දෙක තුනක් කියවගෙන පොතක් ගැන නිගමනයට එන්න හෝ ඒක විවෙචනය කරන්න බෑ.

දැන් අසංක සහෝදරයා කියලා තියෙන අනෙකුත් චෝදනා වුනත් කිසිම පදනමක් නැතුව කරපු චෝදනා. දැන් බෞද්ධ, හින්දු, ක්‍රිස්තියානි, යුදෙව්වන්, අන්‍ය ආගමිකයින් සහ ආගම් අදහන්නේ නැති අය ඔය වැරදී කරන්නේ නැද්ද? නෑ කරනවා... එහෙනම් එහෙම වැරදි කරන්න කියලා ඔවුන්ට කියලා තියෙන්නේ ඔවුන්ගේ ආගමද? නෑ... එහෙම කෙනෙකු වැරද්දක් කළ පලියට ඔහු අදහන ආගම අදහන සියලු දෙනාත් ඔහුගේ ආගමත් වැරදි කරුවෝ වෙනවාද?..නෑ..එහෙනම් ඇයි ඉස්ලාමය ගැන විතරයි කිසිම පදනමක් නැතුව මෙච්චර දරුණු ලෙස විවෙචනය කරන්නේ. හේතුව එල ඇති ගහටයි ගල් ගහන්නේ . කොච්චර ගැහුවත් ඒ ගහන ගහන තරමට අපි ශක්තිමත් වන්නෙමු.

අවසාන වශයෙන් කියන්න තියෙන්නේ ඉස්ලාම් දහම ගැන ඔච්චරටම පහත් ලෙස විවෙචනය කරන සහෝදරයා අදහන ආගම විසින් ඔයවගේ පහත් භාශා යොදාගෙන කිසිම පදනමක් නැතුව අන්‍ය ආගමිකයින්ගේ හැඟීම් වලට ගරු නොකර අන්‍ය ආගමකට විවෙචනය කරන්න සහෝදරයට නිදහසක් ලබලා දීලා තියෙනවාද? ..... සහෝදරයාගේ ප්‍රතිචාරයට මං ස්තූති වන්ත වුනත් ඔහුගේ පහත් භාශා භාවිතයට මගේ කණගාටුව ..ඒ වගේම අසංක සහෝදරයාට තමාව පාලනය කරන්න තරම් ශක්තියක් හා විවෙචන දරාගන් පුළුවන් තරම් ශක්තියක් නොමැති වීම පිළිබඳව මගේ අනුකම්පාව... සහෝදරයා යම් දෙයක් ගැන ගැටලුවක් තියෙනවානම් එය හොඳින් අධ්‍යනය කරන්න..වැදගත් ලෙස සාකච්චා කරන්න.....දෙවි පිහිටයි.

සංකල්පනාවේ දිලීප සහෝදරයාට සහ අනෙකුත් අයට මුස්ලිම් කාන්තාවන් පිළිබඳව අනුකම්පාවක් ඇතිවුනේ ඇයි?

Posted by සහෝදර එකමුතුව on Monday, June 13, 2011 | 14 comments


අසිමීත දයාව හා අසමසම අනුකම්පාවෙන් යුතු අල්ලාහ් ගේ නාමයෙන් ආරම්භ කරමු.


දිලීප සහෝදරයාගේ සංකල්පනාව කියන බ්ලොග් එකේ ශ්‍රී ලංකාවේ  වෙසෙන මුස්ලිම්වරුන් ගැනයි  කියල ලිපියක් තිබ්බා එකේදී සහෝදරයා කියලා තිබ්බා වැරදිනම් නිවැරදි කරන්න කියලා ඒ අනුව තමා මං මේ ලිපිය ලියන්නේ.මට මේක කොමෙන්ටුවක් වගේ දාන්න බැරි වුනේ මේක ටිකක් දිග වැඩි හින්දයි. ඒ වගේම වෙනම ලිපියක් ලෙස ලිවීමෙන් බලන අයටත් පහසුවෙක් වෙයි කියල හිතලයි මෙහෙම ලියන්නේ.


ලිපිය පටන් ගැනීමේදීම දිලීප සහෝදරයා කියලා තිබ්බා මුස්ලිම්වරුන් පිළිබඳ ව ලිපියක් ලියන හින්දා සහෝදරයාගේ දුප්පත් බ්ලොග් එක හැක් කරන්න එපා කියලා. මුස්ලිම්වරුන් පිළිබඳව ලිපි ලිව්වම මුස්ලිම් අය ඒ බ්ලොග් හැක් කරයි කියලා  සහෝදරයා හිතලා ඇති. දිලීප සහෝදරයාට මං කියන්න කැමතියි එහෙම මුස්ලිම් අය  බ්ලොග් හැක් කරන්නේ නම් කිසිම වග විභාගයකින් තොරව හුදෙක්ම ජාතිවාදී නාමයෙන් මුස්ලිම් වරුන්ට හා ඉස්ලාම් දහමට  විරුද්ධව බ්ලොග් ලියන පෙරමුණේ රාළ වගේ අයව හැක් කරලා හුඟක් කල්. ඒත් ඒ සහෝදරයා තවම ඔහුගේ රාජකාරිය නිදහසේ කරගෙන යනවා.නියම මුස්ලිම් වරුන් වන අපිට ඕනෑම විවෙචනයක් දරා ගැනීමේ ශක්තියක් තියෙනව.ඒ වගේම යම් කෙනෙක් අපෙන් ඉස්ලාමය පිලිබඳ යම්  ගැටලුවකට  පිළිතුරක් බලපොරොත්තු වෙයි නම් එය අපේ දැනුමේ හැටියට හා මිත්‍රශීලි ලෙස ලබා දෙන්න  අපි බැඳී ඉන්නවා.මෙතැනදීත් මං ඒක තමා කරන්න බලපොරොත්තු වෙන්නේ.සහෝදරයාගේ ලිපිය මුලීක අන්තර්ගතය ඉස්ලාමයේ කාන්තා නිදහස - ඉස්ලාමයේ කන්තාවන්ගේ ඇඳුම්. ඒ  ලිපියෙ මුස්ලිම් ජාතිකයින් පිළිමඳව සංඛයාත්මකව දක්වපු කාරණය ඇතරම් වැදගත් නැති හින්දයි සහ ඒ පිළිබඳව මං නොදැනුවත්  හින්දා ඒක ගැන කතා කරන්න බලපොරොත්තු වෙන්නේ නෑ. අනිත් බොහෝ කරුණු නම් සහෝදරයා මතුපිටින් බලලා සහ නොදැනුවත්කම හින්දා ලියපු කරුණු බව මතක් කරන්න ඕන.



සහෝදරයා කියනවා මුස්ලිම් කාන්තාවන් මුහුණ සහ මුළු ශරීරයම වැසෙන පරිදි  කළු පාට රෙදි වර්ගයක් උපයෝගී කරගෙන ඇඳුමක් අඳිනවා මේක දැක්කම ඔහුට මුස්ලිම් කාන්තාවන් පිළිබඳ අනුකම්පාවක් ඇතිවෙනවා කියලා.

දිලීප සහෝදරයා  මුස්ලිම්වරුන් වන අපි පිළිපදින්නේ ශුද්ධ වූ අල් කුරානය සහ අල් හදීස් යන ග්‍රන්ථ දෙකේ අඩංගු කරුණු විතරයි. මේ ශුද්ධ වූ ග්‍රන්ථ දෙකේම කිසිම තැනැකවත් කියලා නෑ කන්තාවන් කළු පාට රෙදි වර්ගයකින් මුහුන සහ මුළු ශරීරයම වසාගෙන සිටිය යුතුයි කියලා.

එහෙනම් මොකක්ද ඉස්ලාම් දහමේ කාන්තාවන්ගේ ඇඳුම් ගැන කියලා තියෙන්නේ?

ශුද්ධ වූ අල් කුරානය සහ අල් හදීසය මඟීන්  කියලා තියෙන්නේ කාන්තාවන්ගේ ඇඳුම් කාන්තාවගේ කකුළේ සිට උරහිස දක්වා සහ හිස ආවරණය වන පරිදි ලිහිල් සහ විනිවිද නොපෙනෙන රෙදි වර්ගයකින් සකස්
 විය යුතු බවයි.විශේෂ කරුණ නම් මෙහිදී මුහුණ සහ අත් නිරාවරණය කරගන්න පුළුවන්. ඒ වගේම ඉස්ලාමය පිරිම ඇඳුම් ගැනත් සඳහන් කරලා තියෙනවා ඒවා මෙතැනට අනවශ්‍ය නිසා ඒ ගැන සඳහන් කරන්නේ නෑ.  

කතෝලික දහමේ සහෝදරියන් අඳින්නෙත් ඔය වගෙමයි. එහෙදී පැන නගින්නේ නැති ගැටලුවක් මුස්ලිම් කාන්තාවන් පිළිබඳව විතරක් හට ගැනීමනම් තරමක් අවුල් සහගතයි.

එහෙනම් මුස්ලිම් කාන්තාවන් ඇයි මුහුණ වසන්නේ?     


ඔවුන් මුහුණ වසන්නේ ඔවුන්ගේ ස්ව කැමැත්තෙන් මිස ඉස්ලාම් ආගමෙන් කරපු බල කිරීමක් නිසා නොවෙයි.ඉස්ලාම් නීතිය අකුරටම  ඉටුකරන සෞදි අරාබියාවෙත් කාන්තාවන් ඉන්නවා මුහුන සහ අත් නිරාවරණය කරගෙන ඒක ඔවුන්ගේ කැමැත්තක්. ඒක ඕනෑම මුස්ලිම් කාන්තාවක් ගෙන්  ඇහුවොත් දැනගන්නට පුළුවන්.එහෙම මුහුණ වහන්න කියලා කාන්තාවක් කැමැති නම් ඉස්ලාමයෙන් ඒක එපා කියලා නෑ. ශ්‍රී  ලංකා ආණ්ඩුකම ව්‍යවස්ථාවෙනුත් මුස්ලිම් කාන්තාවන්ට ඒ නිදහස ලබලා දීලා තියෙනවා. ඊට වඩා ප්‍රශ්නයක් නෑ කියලයි මං හිතන්නේ. තවත් දෙයක් නම් පසුගිය වෙසක් සමයේ මමත් ගියා වෙසක් සිරි නරඹන්න එහෙදී විවිධ  අය ඔය  MASK යොදාගෙන මුහුණ වහගෙන හිටිය. සමහර අය මුහුණ වහගෙන කිසිම  සංවරයක් නැතුවත් හැසිරුනා. ඒත් එහෙදී කාටවත් ප්‍රශ්නයක් ඇතිවුනේ නෑ ඒ මුහුණ වැහීම පිළිබඳව . දැන් මෙතැන ප්‍රශ්නයක් වුනේ මේ කාන්තාවන් මුස්ලිම් ආගම අදහන හින්දයි. පිරිම අපිටත් පුළුවන්, කැමතිනම් මුහුණ වහගන්න. දැන් තියෙන එක එක රෝග වලින් බේරෙන්න වගේම නාගරික ප්‍රදේශවල තියෙන දුවිලි වලින් බේරීලා ඉන්න අපි හැමෝටම මුහුණ වහගෙන ඉන්න සිදුවෙනවා.

දීලිප සහෝදරයාට මහ දවල් කළු පාට ටී සර්ට් එකක් ඇඳගෙන පාරේ යන්න බැරි එකේ මේ අය යන්නේ කොහොමද?

දැන් මෙතැනදී දිලීප සහෝදරයට බෑ නම් අනිත් අයටත් බැරි වෙන්න ඕන කියලා නෑ. දිලීප සහෝදරයා කළු පාට ටී සර්ට් එකක ඇඳගෙන මහ දවල් පාරේ නොගියට. මං  ඕන තම දැකලා තියෙනවා මුස්ලිම් නොවන බොහෝ දෙනක් කළු පාට ඇඳුම් ඇඳගෙන මහ දවල් පාරේ යනවා. අද දවසේ [13/6/2011]  දවල් 12.30 වගේ බම්බලපිටිය හන්දියෙදි මට මුණගැහුණා මුස්ලිම් නොවන මිතුරියක් ඇය ඇඳගෙන සිටියෙත් කලු පාට ටී සර්ට් එකක්.මුස්ලිම් කාන්තාවන්ටත් තමන්ට කැමති පාට ඇඳුමක් ඇඳගන්න ඉස්ලාමය තුළ පූර්න නිදහස තියෙනවා. ඉස්ලාමය තුළ කළු පාටින් විතරයි අඳින්න කියලා කොහෙවත් බලකිරීමක් කරලා නෑ. විවිධ වර්ණයන්ගෙන් යුතු හිජාබ් [මුස්ලිම් කාන්තාවන් අඳින දිගු ඇඳූම]  වෙළෙදපොලේ මීලදීගන්න පුළුවන්. කළු වර්ණය විනිවිද  නොපෙනන නිසා මුස්ලිම් කාන්තාවන් කළු වර්ණයට කැමැත්තක් දක්වයි. 

ලංකාවේ සමහරක් ඉස්කෝල වල හැමදාමත්, සමහරක් ඉස්කෝල වල විවිධ උත්සව වලටත් මහ දවල් ටයි කෝට් අඳිනවා පිරිම වගේම ගැහැණු ලමයිනුත්.දීලීප සහෝදරයත් ඉස්කෝලේට ගිහින් තියෙනවානම් ඔහුත් අනිවාර්‍යෙන් ඔය ටයි කෝට් ඇඳගෙන තියෙන්න ඕන.ඒත් එතැනදී කාටවත් ගැටලුවක් නෑ. මුස්ලිම් කාන්තාවන් පිළිබඳ විතරක් ගැටලුව ආවේ ඔවුන් ඉස්ලාම් ආගම අදහන නිසයි.අපක්ෂපාතීව හිතන්න.

 දැන් මම ඒ ලිපියෙ දැක්ක සමහරක් Comment වලට මට හැකි පරිදි පිළිතුරු දෙන්නම්.

සොහාන් සහෝදරයා කියලා තිබ්බා මුස්ලිම් වරුන් ආගමේ නාමයෙන් තමන්ගේ සහෝදරිව මරනව.සමහර මුස්ලිම් වරුන් කුලියට මිනී මරන බවටත්.

මං හිතන්නේ ඔය සහෝදරයා ඔය කොමෙන්තුව දාල තියෙන්නෙ නොදනුවත්කමින් .කිසිම මුස්ලිම් සහෝදරයෙකු ආගමේ නාමයෙන් හෝ මොන නාමයෙන් වත් තමන්ගේ සහෝදරියව මරන්නේ නෑ. එහෙම කෙනෙකු තමන්ගේ සහෝදරියව මැරුවානම් ඒකට වගකිය යුත්තේ ඔහු මිස ඔහු අදහන ආගම නෙමෙයි. 

අද දවසේ [13/6/2001] Live@8  ප්‍රවෘත්ති බැලුවනම්  ඔයගොල්ලෝ දන්නවා පුද්ගලයෙක් ඉඩම් ප්‍රශ්නයක් නිසා තමන්ගේ එක කුස උපන් නංගීව මරලා එයත් වහ බීලා සිය දිවිනසාගෙන. මෙතැනදී වගකියන්න ඕන ඒ පුද්ගලයා අදහන ආගමද? නැහැ.. ඒ පුද්ගලයා එහෙම කරපු හින්දා එයා අදහන ආගම අදහන හැමෝම  ඔයවගේ වැරදි කාරයෝද? නැහැ..... එහෙනම් සමහරක් මුස්ලිම්වරුන් කරන වැරදි වලට සමස්ත මුස්ලිම්වරුන්ටම හා ඉස්ලාම් දහමට වරද්ද පටවන්නේ ඇයි? මුස්ලිම්වරුන් දෙස වැරදි ලෙස බලන්නේ ඇයි?

මදුරංග සහෝදරයා කියලා තිබ්බ මුස්ලිම් පිරිමින් ඔයවගේ ශරීරය වැසෙන පරිදි ඇඳුම් අඳින්නේ නෑ කියලා. 

ඒකත් ඔහු නොදැනුවත් කමින් ලියපු එකක් කියලා හිතලයි මං හිතන්නේ. මධුරංග සහෝදරයා දැකලා නැති උනාට බොහෝ මුස්ලිම් පිරිමින් මුළු ශරීරයම වැසෙන පරිදි අඳිනවා ඒ වගේම තොප්පියකින් හිසත් ආවරණය කරනවා. සෞදී අරාබියේ නම් සමස්තයක් ලෙස සියලුම පිරිමන් එහෙම තමා අඳින්නේ. 


ඉස්ලාම් දහම තරම් වෙන කිසිම දහමකට කුමණ්ත්‍රණ, මඩ ප්‍රහාර හා අසත්‍ය ප්‍රචාර එල්ලවී නෑ.  ඒකට හේතුව දන්නෝ දනිති  ලෝකයේ තියෙන එකම සත්‍ය මාර්ගය ඉස්ලාම් ආගම බව[එල ඇති ගහටයි ගල් ගහන්නේ. ].නමුත් දිගු කාලීනව රැකගෙන ආ තමන්ගේ ප්‍රතිපත්තිය අතහැරීමට අකමැති අන්ය ආගමික  ජාතිවාදී සුළුතරයක් විසින් ගෙනයනු ලබන කුමණ්ත්‍රණකාරී අසත්‍ය ප්‍රචාරවලට හසු වී සමහරක් අන්ය ආගමික සහෝදරයින් වැරදි ලෙස ඉස්ලාම් දහම වටහාගෙන ඉන්නවා. ඒ නිසා මං ඉල්ලා සිටිනවා සියලුම අන්‍ය ආගමික සහෝදරයින්ට යම්කිසි දෙයක් පිළිබඳව මතයක් ප්‍රකාශ කරන්න කළින් ඒ පිළිබඳව හොඳින් අධ්‍යන කළාට පසු තමන්ගේ මතය ප්‍රකාශ කරන ලෙස.  

ලියන්න තව හුඟක් දෙවල් තිබ්බත් වේලාව මදිකම නිසා මුලික කරුණු විතරක් ලිව්වා.

  අවසාන වශයෙන් කියන්න ඕන මුස්ලිම් කාන්තාවන් පිළිබඳව අනුකම්පාවක් දිලීප සහෝදරයාට වගේම අනිකුත් සහෝදරයාට ඇතීවීම මට පුදුමයක් හට ගන්නවා. මොකද ඉස්ලාම් දහම තුළ මුස්ලිම් කාන්තාවක් තම ජිවීතය ඉතා සතුටින් ගත කරනවා.

දීලීප සහෝදරයාගේ බ්ලොගයේ ඔහු ගැන යමක් දැනගන් ගියමට බලන්න ලැබුනේ මෙහෙම එකක්  "උපරිම ආතල් ගන්න..පිස්සුම ඩයල් එකක්...වලියක්නම් බොක්කෙන්ම"
මෙතැනදී ආතල් කියන වචනෙට නිර්වචනය මං දන්නේ නැති හින්දා ඒක ගැන මොකුත් කියන්නේ නෑ.නමුත් දෙවැනියට සඳහන්  කාරණය නිසාදෝ දිලීප සහෝදරයා ඔය ලිපිය ලිව්වේ කියලා මට යම් සැකයක් මතුවෙනවා. තමන් පිස්සෙක් කියලා කියන සහෝදරයා පිළිබඳව අවංකවම මං අනුකම්පා කරනවා කණගාටු වෙනවා. කෙසේ වෙටත් දිලීප සහෝදරයාට මින් ඉදිරියට මීට වඩ හොඳ අධ්‍යනයකින් පසුව මීට වඩා හොඳ හරවත් ලිපි ලිවීමටත් ඔහුගේ අනාගතය යහපත් සුභ අනාගතයක් වේවායි මා ප්‍රාර්ථනා කරනවා.

ඉස්ලාම් ආගමට විරුද්ධව ගහන ගහන තරමට ඉස්ලාම් ආගම ශක්තිමත්වනු ඇත. නොනැවති ඉදිරියට යන්නෙමු. 

ඔබ සියලු දෙනාටම දෙවි පිහිටයි

ඉස්ලාමය තුල කාන්තා නිදහස ...... ඔබේ ප්‍රශ්න වලට අපෙන් පිළිතුරක්

Posted by සහෝදර එකමුතුව on Wednesday, March 16, 2011 | 1 comments
අසිමීත දයාව හා අසමසම අනුකම්පාවෙන් යුතු අල්ලාහ් ගේ නාමයෙන් ආරම්භ කරමු.


සහෝදරවරුනි මේ වන විට අන්තර්ජාලයේ තිබෙන්නාවු සමහරක් අඩවි කිසිම වගකීමක් නොමැතිව ජාතිවාදයේ නාමයෙන් ඉස්ලාම් ආගමට පහර ගසමින් සිටී. ඔවුන්, ඔවුන්ට ඉස්ලාම් ආගම පිළිබඳව පවත්නා ගැටලු වලට අපෙන් විමසීමක් කලහොත් අපට හැකි උපරිමයෙන් අප ඔවුන්ට ඒ පිළිබඳව පැහැදිලි කර දෙන්නෙමු. නමුත් ඔවුන්, ඔවුන්ගේ තනිමතයට  කිසිම වගක් නැතිව ප්‍රකාශ කරනු ලබන දේවල් වලට පිළිතුරු බදින්නට අපට අවශ්‍ය නැත. එයට හේතුව මෝඩයන් සමඟ විවාද වලට යැමේන් වැලකීම යන ප්‍රතිපත්තිය අප අනුගමනය කිරීමයි.


නමුත් මෑතකදී අප සහෝදර බෞද්ධ මිතුරෙකු මාර්ගයෙන් අපට  ඊ මේල් පණිවුඩයක් ලැබුණි. ඒ පිළිබඳව  පැහැදිලි කර දෙන මෙන් අප සහෝදර බෞද්ධ මිතුරා  අපගෙන් ඉල්ලා සිටි බැවින්. එම ඊ මේල් පණිවුඩය පිළිබඳව පැහැදිලි කර දීමේ අරමුණින් මෙම ලිපිය ලියන්නෙමු.


කියවන්නන්ගේ පහසුව පිණිස කතුවරයාගේ අදහස ඉදිරිපත් කර ඉන් පසු අපගේ අදහස ඉදිරිපත් කරන්නෙමු.


කතුවරයා මෙම ලිපිය මූලික වශයෙන් කොටස් දෙකකට  එනම්.


*ස්ත්‍රී ප්‍රජනන චර්ම චෙදනය :කතුවරයාට අනුව කාන්ත සුන්නත්: [ Female Genital Cutting]
හා


*ඉස්ලාමය හා කාන්තා නිදහස පිළිබඳව..... යනුවෙන් කොටස් දෙකකට බෙදා විස්තර දක්වයි.


***********අප දැන් එකින් එක විමසා බලමු*******************


පලවැනි කොටසේදී කතුවරයා පහත සඳහන් ඔහුගේ අදහස හා තවත් සබැඳියක් උපුටා දක්වයි.

................කතුවරයාගේ අදහස


1. මුසල්මානු ගෝත්‍රික විවාහයක් වලංගු වන්නේ තවත් එම ගෝත්‍රික අයෙක් සමඟ පමණි. එනම් කාන්තාව අනිවාර්‍යයෙන් මෙතෙක් සිය සම්පූර්ණ අතීතය වල දැමිය යුතුය, එනම් තමාගේ සිංහල අන්‍යතාවය මරා දැමිය යුතුමය. විවාහ වයසේදී මුස්ලිම් නමකින් නැවත ඉපදිය යුතු වන්නේ නව හැඳුනුම් පතක් පවා සමගිනි. හෙළ නෑ සිය පරපුර සියල්ල සදහටම අහිමි වීම සිදු නොවුනොත් එය පුදුමයකි.

2. කායික වශයෙන් මෙය හිතන තරම් ලේසි කටයුත්තක් නොවේ. මුස්ලිම් ගෝත්‍රය, කාන්තා සුරතාන්තය සහමුලින් ප්‍රතික්ශේප කරන්නේ, ඒ පිළිබඳ ඊර්ෂ්‍යා සහගතවය. එයට ඔවුන්ට අති බිහිසුණු පිළියම් ඇත. හිරි වැට්ටීම් සිහිනයක් පමණි. යෝනි විවරයේ ඉහලින් ඇති වඩාම සංවේදී කොටස වන භග ශිෂ්ණිකාව (Clitoris) අමු අමුවේ කපා ඉවත් කිරීමට මුහුණ දිය යුතු වන්නේ අනිවාර්‍ය අවශ්‍යතාවක් ලෙසයි. බලන්න එය කරන විවිධ ආකාර.


..............සබැඳියට මෙතැනින් යන්න


ඉහත ප්‍රකාශ දෙක ලෙස විමසිමත්ව බැලීමේදී අපට පෙනී යන්නේ කිසිම වගකීමක් නැතිව කතුවරයා ඔහුගේ මන:කල්පිත අදහස ඉතා පහත් ලෙස ප්‍රකාශ කිරීමක් පමණී. අප එලෙස පැවසීමට හේතුව කතුවරයා මෙහිදී කිසිදු මුලාශ්‍රයක් හෝ  සාක්ෂියක් ඉදිරිමත් නොකරයි.මෙම අදහස ප්‍රාථමික ශ්‍රේණියේ ළමයෙකු ඔහුගේ හිතේ මැවෙන සුරංගනා අදහස් අනුව රචනාවක් ලිවීම වැනිය. එකම වෙනසකට තිබෙන්නේ කතුවරයා ඉතා පහත් ලෙස අන්‍ය ආගමිකයන්ට පහර ගහමින් මෙම මන්:කල්පිත රචනාව ලිවීමයි.


ඉහත සඳහන් සබැදිය ගැන අපගේ අවධානය යොමු කලහොත්... කතුවරයා එහි පින්තූර ටිකක් අමුණා සිටී. එම පින්තූර දෙස බැලීමේදී,


1 වන : පින්තුරයෙදී පිරිමි ළමයෙකු හඬමින් සිටී. වටේ සිටින අය ඔහුට යම් වෛද්‍ය ප්‍රතිකාරයක් කරන බව අපට පෙනේ. මෙම පින්තූරය ඉදිරිපත් කරමින් ඉස්ලාම් දහම කුරිරු යැයි යම් කෙනෙකු තර්ක කරනවානම්. එය "කොහෙද යන්නේ මල්ලේ පොල්" වැනි කතාවකි.


2 වන : පින්තූරයේ අපට පෙනෙන්නේ හඬමින් සිටින අප්‍රිකානු කුඩා දරුවෙකු හා බ්ලේඩ් තයක් අතේ සිටින පුද්ගයෙක්. මෙහි සිටින එම කුඩා දරුවා හෝ බ්ලේඩ් තලය අතින් ගෙන සිටින පුද්ගලයා මුස්ලිම් ජාතිකයින් බව කොතැනකවත් සටහන් නොවේ. අප්‍රිකානු රටවල ඔවුන්ගේ නොදියුණු සංස්කෘතිය නිසා මෙවැනි අමානුශික ක්‍රියා සිදුවෙමින් පවතී. එයට හේතුව ඉස්ලාම් යැයි කතුවරයා අදහස් කරනවානම් එය කිසිම පදනමක් නැති හුදෙක් වෛරිසහගතව ප්‍රකාශ කරනු ලබන බොල් අදහසකි.


3 වන : පින්තූරයේදී මුස්ලිම් ජාතික කාන්තාවක් ළඟ සිටින කුඩා ගැහැනු ළමයෙකු හඬමින් සිටී. කුඩා ළමුන් ඕනෑම සුළු දෙයකටත් අඬයි. එය කුඩා ළමුන්ගේ ස්වභාවයයි. මෙම කුඩා ළමයා අඬන්නේ ඉස්ලාම් දහම නිසා යැයි කතුවරයා අදහස් කරයි නම් ඔහුගේ බංකොලොත්බව මෙයින් පෙන්නුම් කෙරේ.


4 වන : පින්තූරය ස්ත්‍රී ප්‍රජනන චර්ම ඡෙදනයට [ Female Genital Cutting] විරුද්ධ පෝස්තරයකි. එහි කිසිම තැනකදීවත් ඉස්ලාම් දහම ගැන සඳහන් වී නොමැත.


5 වන : පින්තූරයෙදී තරුණ කාන්තාවක් අඬමින් සිටී. පෙනන පරිදී වෛද්‍ය වරයෙකු ප්‍රතිකාර කරමින් සිටී. මෙම පින්තූරයෙත් ඉස්ලාම් දහමට සම්බන්ධයක් නොමැත.


6 වන පින්තූරයෙදී පෙනන පරිදි රෝහලක සිටින කුඩා දරුවෙකු අඬමින් සිටී. දරුවා වටේ ඔහුගේ\ඇයගේ දෙමව්පියන් සිටී. මුස්ලිම් ජාතික දරුවෙකු රෝගාතුර වීමට නොහැකිද? රෝගාතුර වූයේනම් එයටත් හේතුව ඉස්ලාම් ද?


ඒ අනුව ඉහත පින්තූර සියල්ල අධ්‍යනය කිරීමෙන් අපට හැඟී යන්නෙ මෙම කිසිම පින්තූරකවත් ඉස්ලාම් දහම පිළිබඳව හෝ ඉස්ලාම් දහම කුරිරු ලෙස පෙන්වන පින්තූර නොවේ. හුදෙක්ම කතුවරයාට අවශ්‍ය වී  තිබෙන්නේ කියවන්නන්ට ඉස්ලාම් දහම පිළිබඳව  වැරදි ආකල්ප ඇති කිරීමයි.


ඉන්පසු එම සබැඳියේ කතුවරයාගේ අදහස් වෙත යොමු වුවහොත් එහිදී  කිසිම තැනකදීවත් ඉස්ලාම් දහම ස්ත්‍රී ප්‍රජනන චර්ම ඡෙදනය අනුමත කරන බවට හෝ අය කළයුතු යැයි ඉස්ලාම් දහම නියෝග  කරන බවට සාක්ෂි ඉදිරිමත් කර නොමැත. හුදෙක්ම කතුවරයා ඔහුගේ මන:කල්පිත ඉතා පහත් අදහස පමණක් ඉදිරිපත් කරයි. අන්තර්ජාතික වශයෙන් පවත්වාගෙන යනු ලබන ලෝ ප්‍රකට අන්තර්ජාල විශ්වකෝශයක් වන wikipedia.org හි කාන්තා ප්‍රජනන චර්ම ඡෙදනය [Female Genital Cutting] යන මාතෘකාව යටතේ ආගමික ආකල්ප [Relegious  Views on Female Genital Cutting] යන උප කොටසේ ඉස්ලම් දහමේ යටතේ මෙසේ දක්වයි

" In Islamic texts, FGC is referred to as khafḍ (Arabic: خفض‎)[18] or khifaḍ[19] (Arabic: خِفَض‎). According to McAuliffe, female genital cutting is not commanded by the Qur'an, "






ඒ අනුව අවසාන  වශයෙන් පවසන්නට තිබෙන්නේ වෙනත් ආගම් තුළ  ස්ත්‍රී ප්‍රජනන චර්ම  ඡෙදනය : කතුවරයාට අනුව කාන්තා සුන්නත්:  [Female Genital Cutting] පැවතියද  ඉස්ලාම දහම අනුව එය අනුමත කල ක්‍රියාවක් නොවේ.  






පුරුෂ චර්ම ඡෙදනය [Circumcision]  පිළිබඳව කෙටියෙන් හැඳින්වීමක් කළහොත්. මෙම ක්‍රියාව ඉස්ලාමය විසින් අනිවාර්ය කල ක්‍රියාවක් නොවේ. එලෙසම පුරුෂ චර්ම ඡෙදනය [Circumcision] කිරීමෙන් අපෙ සෞඛයට යහපතක් සිදුවන බව එදා ඉස්ලාමය පැවසු දේ. අද වෛද්‍ය වරුන් විසින් පවසනු ලබයි. wikipedia.org අඩවියේ AIDS යන මාතෘකාව යටතේ වැළැක්වීම[Prevention] යන උප කොටස යටතේ මෙසේ සඳහන් කරනු ලබයි.  





"Randomized controlled trials have shown that male circumcision lowers the risk of HIV infection among heterosexual men by up to 60%."




එනම් පුරුෂ චර්ම ඡෙදනය [Circumcision]  කිරීමෙන් රෝගය වළක්වා ගැනීමේ හැකියාව වැඩි වන බවයි.




පුරුෂ චර්ම ඡෙදනය නිසා  ලිංගික ආශ්වාදය අවම වේ යැයි කෙනෙක් තර්ක කරනවානම් එය කිසිම පදනමක් නැති හුදෙක්ම අසත්‍ය  ප්‍රකාශයකි. වර්තමානයේ අන්‍ය ආගමිකයින් බෝහෝ ප්‍රමාණයක් පුරුෂ චර්ම ඡෙදනය කරගනී.පුරුෂ චර්ම ඡෙදනය  සෞඛයට යහපත් බව මෙයින්ම පෙනි යයි. 


************************************************************************



අප දැන් දෙවැනි කාරණය  පිළිබඳව අපගේ අවධානය යොමු කරමු.

......................කතුවරයාගේ අදහස

3. සිහි සුන් වන තරම් වේදනාකාරී මෙම ආගමික සුන්නත් කිරීමට ඔබව මෙල්ල කරන හැඩි දැඩි මුස්ලිම් පිරිමි රාශියට ඔබගේ රහසඟ තව දුරටත් රහසක් නොවේ. රෙද්දකින් මුහුණ වසාගෙන මිසක් ඉන්පසු ජීවත් විය හැකිද?

4. බැන්දාට මොකද කිසි දිනක උපරිම තෘප්තියක් කාන්තාවට අහිමිය. විවාහ වූ ගෝත්‍රිකයා අණ දෙන ඕනෑම මොහොතක කීකරු විය යුතුය, නැතිනම් පහර දීමට ශුද්ධ වූ කුරාණයේ නියමයයි. මොහොමඩ් ගේ සොයාගැනීම් ය.

 ඉහත සඳහන් කතුවරයාගේ අදහස අනුව බිරිඳ සැමියාට කීකරු විය යුතුයි. එලෙසම සැමියාද බිරිඳට කීකරු විය යුතුයි. ඉස්ලාමය පවසා තිබෙන්නේ එයයි.කාන්තාවන්ට පහරදීමක් ගැන කතුවරයා සඳහන් කරනවා.අප ඔහුට අභියෝග කරනවා එම ප්‍රකාශය උපුටා ගත් මුලාශ්‍රය දක්වන ලෙස.එමෙන්ම මෑතකදී අප රටේ ජනප්‍රිය නිළියකට ඇයගේ සැමියා විසින් පහර දුන්නා. ඔහු කුමන ආගමක් අදහන පුදගයෙක්ද කියල අහන්න කැමති කතුවරයාගෙන්.


......................කතුවරයාගේ අදහස

5. ඉන්පසු සිය හොඳින් පෙනෙන ඇස් පවා ඝන රෙද්දෙන් වැසෙන සේ හිජාබය ඇඳ, රෙද්දේ නූල් විවීම අතරින් ලෝකය බැලීමට පුරුදු විය යුතුය. මදක් සිතා බලන්න, පෙර කල කුසළ බලයෙන් ඔබ අඳ නොවී ඉපදුනත්, දිට්ඨධම්ම වේදනීය විපාක වශයෙන් ඔබගේ පෙනීම දුර්වල වූවායයි එවිට ඔබ අවබෝධ කර ගත යුතු වන්නේය. ලොවේ සාමාන්‍ය ජනයා, යන්තම් සුද මතුවූ විට ඇස් වහාම ශල්‍ය කර්ම මගින් නිවැරදි කර ගනිද්දී, ඔබ, ඇස මතුපිට කළු පටලයක් මැරෙන තුරු පැළඳිය යුතු වන්නේය.




මුහුණ වැසෙන පරිදි හිජාබය ඇදීම ඒ ඒ පුද්ගයන්ගේ කැමැත්තක් මිසක් කිසිවිටකත් ඉස්ලාමය මුහුණ වැසෙන ලෙස හිජාබ් අඳින ලෙස නියෝග කර නැත.මුහුන නොවැසන පරිදි හිජාබය  ඇදීමත් ඉස්ලාමය නිර්දේෂ කර තිබෙනවා මිසක් අනිවාර්‍ය කර නැත. ඉස්ලාමය කාන්තාවන්ත මෙන්ම පිරිමින්ටද  පවසන්නේ ශිෂ්ඨ සම්පන්න ලෙස ඇඳුම් අඳින ලෙසයි.




......................කතුවරයාගේ අදහස

6. විවාහක ගෝත්‍රිකයාට ඔබ සැමදා නැවුම් නොවේ, වරින් වර ඔහුට 4 ක් දක්වා තව මනුෂ්‍ය ප්‍රේතියන් ලබා ගත හැක. එයට ඔබගේ අනුමැතිය අවශ්‍ය නොවේ. ඔහු ඔබ නිදනා වහලය යටම, තව කාන්තාවක් සමඟ රමණයේ යෙදෙද්දී එය නොහඬා ඉවසිය යුතුය. අනවශ්‍ය ප්‍රශ්න ඇති කර ගැනීම නුවනට හුරු නොවේ.


පුරුෂයෙකු විවාහ හතරක් අනිවාර්‍යයෙන් කළයුතු යැයි ඉස්ලාමය පවසා නැත. එමෙන්ම එය ඉතා සංකීර්ණ නිතී මාලාවකින් යුක්තයි.ඒ නිසා ඒ පිළිබඳව හොඳට අවබෝධ කරගෙන තමන්ගේ අදහස ප්‍රකාශ කරන ලෙස කතුවරයාගෙන් ඉල්ලා සිටිමු.එමෙන්ම කතුවරයා මෙහිදී ඔහුගේ මන:කලිපිතයන් ඉතා ඉහලින්ම යොදා ගෙන ඇත.



......................කතුවරයාගේ අදහස


7. ඔබ කිසිම ආකාරයකින් විවාහක ගෝත්‍රිකයා ප්‍රකෝප වන සේ කථා නොකල යුතුය. ඔහු "තලාක්" යයි තුන් වරක් හඬ නැගීමෙන් ඔබ දික්කසාද වන්නේ ඔබ උඩ බිම බැලීමටත් පෙරය. විවාහයත් සමඟ සියල්ල අහිමි වූ ඔබට කිසිදු හව් හරනක් නැත.

8. ඔබව යම් කල හෝ නොකල වරදකට ෂාරියා නීතිය යටතේ සම්පූර්ණ වැරදි කාරිය කිරීමට ගෝත්‍රික ඔහුට අවශ්‍ය වන්නේ ශාක්ෂි 4 ක් පමණි. ඔබගේ ඉරණම එයින්ම විසඳෙයි, බලන්න


9. හදිස්සියේ හෝ එසේ විවාහක ගෝත්‍රිකයාට එම ශාක්ෂි 4 සොයා ගැනීමට නොහැකි වූවා යයි සිතන්න. එවිට ඔබ ආරක්ෂිතයි කියා ඔබ සිතනවාද?. එසේ නම් පහත කුරාණ පාඨයත් කියවා නුවන වඩා ගන්න.





මෙහිදී කතුවරයාගේ අදහස ඔහු ඉදිරිපත් කල කුර්ආන් වැකියෙන්ම වැරදි බවට ඔප්පු කරයි.නමුත් පරාජය බාරගැනීමට අකැමති කතුවරයා පහත ප්‍රකශය සිදුකරයි.



......................කතුවරයාගේ අදහස


10. 24/8 හා 24/9  අනුව කාන්තාවටත් අවස්ථාවක් ඇතැයි ඔබට පෙනෙනු ඇත. ඔව්, පොතට පමණි. ඔබ මුස්ලිම් ගෝත්‍රයටම පිටින් ආ දෙවන පන්තියේ පුරවැසියෙක් පමණි. එවිට ඔබ පස් වාරයක් දිව්රීම ඔවුන් සියල්ල එකතු වී පහසුවෙන් වලකයි. එවිට ඔබ මිය යා යුත්තේ බෙල්ල තෙක් වලලා හිස පොඩි වන තෙක්  ඔබගේ විවාහක ගෝත්‍රිකයා හා ගෝත්‍රික නඩයේ සියල්ල  එකතු වී දෙන ම්ලේච්ඡ ගල්  ප්‍රහාරයෙනි.




මෙම සමස්ත ලිපියේ කිසි තැනකදීවත් ඉස්ලාමයේ යම් වැරද්දක් තිබෙන බවට ඔප්පු කිරීමට කතුවරයා අසමත් වී තිබේ.ලිපිය පුරාම ඔහු කර තිබෙන්නේ කුඩා ලමයෙකු මෙන් ඔහුගේ මන:කල්පිත සුරංගනා අදහස් හා බොල් තර්ක  යොදාගෙන  ඉස්ලාම් දහම පිළිබඳව වැරදි මතයක් අන්‍ය ආගමිකයින් තුළ ඇතිකිරීම සඳහා රචනාවක් ලිවීමයි.


මිනිසෙකු යහපත් මාර්ගයේ යායුතු නම් ඔහුට  ඔහුගේ  මරණය දක්වා නිවැරදි මඟපෙන්වීමක් ලැබිය යුතුයි. ඉස්ලාම් දහමෙන් සිදුවන්නේ එම නිවැරදි මඟපෙන්වීම ලබාදීමයි.ඉස්ලාමය මතුපිටි සිට බලනවාට වඩා ඇතුලට පැමිණ බලන්න. ඉස්ලාම් දහම පිළිබඳව තිබෙන ඔබගේ වැරදි ආකල්ප ක්ෂණිකයෙන් නැති වී යනු නොඅනුමානයි. සමහරක් මුස්ලිම් වරුන් විසින් කරනු ලබන වැරදි වලට මුළු දහමටම දොස් පැවරීම සාධාරණ නැත. අන්‍ය ආගම් වලද වැරදි කරන මිනිසුන් සිටී.


ගෞතම බුදුරජාණන් වහන්සේගේ දේශනා වලට අනුව  හොඳ බෞද්ධයෙක් අන්‍ය ආගමික ශාස්තෘවරුන්ට හා අන්‍ය ආගමිකයන්ට ගෞරව කලයුතුයි. නමුත් කතුවරයාගේ මෙම ලිපිය කියවීමේදී ඔහු හොඳ බෞද්ධයෙක් ද යන්න අප තුල සැකයක් මතුවෙයි.



හිත මිත සහෝදර කතුවරයාණෙනි, අප ගෝත්‍රිකයන් නොවේ අපද ඔබලා වගේ ශිෂ්ඨ සම්පන්න සමාජයක් වෙමු.අප ඔබටත් ඔබේ ධර්මයටත් ගරු කරන්නෙමු. එලෙස අපටත් ගරු කරන ලෙස ඉල්ලා සිටිමු.


සියලු ප්‍රශංසා අල්ලාහ්ටය!!!










